CEP Catalina de Erauso LHI

Bere zerbitzuen artean, eskolak hainbat eskolaz kanpoko ekintza eskaintzen ditu. Gehienetan, ekintza hauek Guraso Elkarteak antolatzen eta koordinatzen ditu. Ekintza hauek ordutegi desberdinak izan ditzakete, batzuk jangela ordutegi barruan ospatu daitezke (12:00etatik 15:00etara); beste batzuk, ordea, arratsaldeko eskolatik ateratzeko orduan (17:00etan).

Aipatutako ekintzak honako hauek dira:

Donostiako Orfeoiaren Abesbatza Inudea

Donostiako Orfeoiaren gidaritzapean ematen den ekintza bat da, ekintza hau nahitakoa eta dohainikoa izateaz gain, gure eskolako Lehen Hezkuntzako 2. eta 3. zikloetako haur guztiei eskaintzen zaie. Ekintzaren helburu nagusiak hauexek dira: musika korala ezagutu eta sustatu, ahotsak hezi eta haurtzarotik, musikarekiko sentiberatasuna bultzatu.
Eskolako haur abesbatza Donostiako Orfeoiarekin lotuta dagoenez, eskolako umeek, Orfeoiaren egiturako partaide izateko aukera izaten dute, bai “Orfeoi Txikian”, bai “Gazteen Orfeoian” eta baita Donostiako Orfeoian ere.
Donostiako Orfeoiak bere Zuzendaritza Artistikoaren bitartez, ekintza babesteko eta zuzentzeko ardura bere gain hartzen du, eta bertako helburuak betetzearen alde egiten du, musikaren onurako. Beharrezkoak diren ikastaro arrunt eta bereziak ematen ditu eta bertan sartzen dira proba-saioak, bokalizazioak, arnasketa teknikak, adierazpen teknikak eta solfeoa.  

Haurrak Beti Jolasean

Donostiako Euskararen Udal Patronatuak antolatzen duen ekintza hau, 4 urte eta lehen ziklo bitarteko ikasleei eskaintzen zaie. Jarduera honek euskara ikasteko eta hobetzeko aukera eskaintzen du jolasaren bitartez eta, era berean, haurrak euskara erabiltzeko ohitura hartzen du ikasgelaz kanpoko jardueretan.
Ekintzaren salneurria, gutxi gora-behera, 171,00 €koa da ikasleko eta kurtso osorako.  Gizarte laguntza jasotzen duten familietako haurrak kuota ordaintzetik salbuetsita daude eta familia ugarietako kideei %25eko beherapena egiten zaie.