CEP Catalina de Erauso LHI

Jangela eskolako ikasleria guztiari eskaintzen zaion zerbitzu bat da. Ordutegiari dagokionez, ihardunaldi normalean 12:00etatik 15:00etara luzatzen da (iharduna murriztua denean, 12:00etatik 14:00etara).

Eusko Jaurlaritzako Hezkuntza, Unibertsitate eta Ikerketa Sailak jangela-zerbitzua partzialki subentzionatzen du; era berean, sail honek salneurriak ezartzen dituena da. Salneurriak ikasle motaren arabera aldatu daitezke, ikasturte honi dagozkionak honako hauek izanez:

Ohiko ikasleek kuoten ordainketak helbideratu beharko dituzte, horretarako, kurtso hasieran kontu korronte baten zenbaki bat emango dute. Behin-behiniko ikasleek, ordea, diru-sarrerak jangelaren Kutxako kontu korrontean egingo dute.

Jangelako araudia Euskal Eskola Publikoaren legeak agintzen duenaren menpe dago; lege esparru horretan Jangelako Batzordeak, Eskola Kontseilua ordezkatuz, honako araudia ezarri du:

• Jangelako bazkaltiarrak ezingo dira jangelatik joan; horren beharra izanez gero, aldez aurretik, gurasoek sinatutako baimena ekarri beharko dute.
• Kanpoko edozein edari edo janarirekin ezingo da jangelan sartu.
• Tresna elektronikoak (bideo-kontsolak, sakeleko  telefonoak..) edo jostailuak ezingo dira jangelara eraman.
• Edozein elikagairekin intolerantzia edo alergia pairatuz gero, gurasoek idatziz jakinaraziko diote jangelako arduradunari. Horrelako kasuetan, menuak egokitzen saiatuko da.
• Jangelako ikasle bakoitzak hortzetako eskubila eta pastarekin hornitutako ontzi batekin etorriko da.
  
• Jangelako plazen eskaera eskolak eskaintzen duen kopurua baino handiagoa izango balitz, jangelako plazak banatzeko, preferentzia hauen arabera banatuko lirateke:
  
  

  1. Eskolatik 2 kilometrotara baino urrunago bizi diren ikasleak.
  2. Ikasle bekadunak.
  3. Eskolan anai-arreba gehiago duten ikasleak.
  4. Eskolan antzinatasun handiagoa duten ikasleak.
     
     
     
• Jantoki-zerbitzua noizbehinka erabiltzen duten ikasleek; gutxienez, jangelako arduradunari 24 ordu baino lehenago abisatu beharko diote.
• Ohiko bazkaltiarraren kontsiderazioa izateko, kurtso osoan zehar, jangela-zerbitzua astero lau alditan erabili beharko da. Ausentzien kasuan, ohiko bazkaltarrie ordaindutako kuotak, kasu berezietan itzuliko zaizkie soilik; kasu berezi horietan justifikazioa aurkeztea ezinbestekoa izango da. Jangelarako beka jasotzen dutenei ez zaizkie inoiz  kuotak itzuliko.
• Jangelako Batzordeak, Eskola Kontseilua ordezkatuz; honako arrazoiengatik, jangelako plaza kendu liezaieke bazkaltiarrei:
  
  

  • Jangelako kuotak ez ordaintzeagatik.
  • Jangelako araudia edo elkarbizitza oinarrizko arauak ez errespetatzeagatik.