CEP Catalina de Erauso LHI

Anorexia eta bulimia gaur egun gure gaztetxoengan edo nerabeengan eragin handia duten bi gaixotasun dira. Elikadurari dagokion arazo honen ondorioz, beren gorputzak modu desitxuratuan ikusten dituzte eta nahiz eta erabat argal egon, beren burua gehiegizko pisuarekin ikusten dute.

Elikagaiak murriztea (anorexia) edo hauek kontrolik gabe irentsi eta ondoren oka egitea (bulimia), zergati konplexuak dituzten gaixotasun hauen agerpenik argienak dira. Gutxi da gurasoek egin dezaketena behin gaixotasuna garatuz gero, espezialistengana jotzea izan ezik (psikiatrak edo nutrizionistak).

Hauek dira, gure laguntzarekin, gure seme-alabek beren elikadura-ohiturak normalizatzen saiatuko direnak. Gaixoak bere auto-estimua berreskuratu behar du: ez du loditzearen beldur izan behar, lehen kasuan, eta ez du janaria antsiolitiko gisa erabili behar, bigarren kasuan.

ANOREXIA ETA BULIMIARI AURRE EGITEKO AHOLKUAK:

• Haien autoestimua bultzatu.
• Gure seme-alabei haien sentimenduak ezagutzen eta adierazten irakasten saiatu.
• Pertsona hobezinik ez dagoela eta guztiok akatsak egiten ditugula onartzen lagundu.
• Pisuari edo loditxoen irudiari buruzko txantxarike edo isekarik ez egin.
• Atletak, dantzariak edo gimnastak badira, haien entrenamenduak eta dietak zaindu.
• Mediku baten aholkurik gabe dietak egiea debekatu.
• Haien gorputza onartzen, mimatzen eta zaintzen lagundu.
• Familiako bazkariak egiten saiatu eta tarte horiek gure maitasun guztia emateko aprobetxatu.
• Argaltasuna arrakasta izateko gako gisa ulertzen duten moda guztiei uko egin.
• Giza balio batzuk izatea aldizkarietan eta telebistan ikusten ditugun gorputz bikain guzti horiek baino askoz ere garrantzitsuagoa dela irakatsi.