CEP Catalina de Erauso LHI

Zer da iraunkortasuna?

Etxean, irabazten dugun baino gehiago gastatzen badugu hilean, badakigu epe luzera ezingo diogula egoera horri aurre egin.

Horixe bera gertatuko da gure planetan ekosistemek berrezar ditzaketen baliabideak baino gehiago kontsumitzen baditugu. Gaur egun nagusi den garapen-eredua iraungaitza da epe luzera, poluzioa eta hondakin-kantitate handiak sortzen baititu, baliabide naturalak agortzen ditu, aberastasun-banaketa bidegabean oinarrituta dago. Beraz, bizi garen ingurunea hondatuko ez duen garapen-modu bat aurkitu behar dugu, planetaren barruan gauden pertsona guztioi duintasunez bizi gaitezen, etorkizuneko belaunaldiek planeta osasuntsu batean  bizitzeko duten eskubidea errespetatuz. Horixe da, hain zuzen, garapen iraunkorra edo iraunkortasuna.  

Tokiko Agenda 21

Garapen iraunkorraren ideia 1992an Rio de Janeiron egin zen Nazio Batuen Garapenari eta Ingurumenari buruzko Biltzarrean egin zen ezaguna. Goi bilera hartan sortu zen Agenda 21. Agenda hori mundu mailako ekintza-plan bat da, eta han ekintzen egutegia finkatzen da. Garapen-estrategia iraunkorrak estatu mailan eta herri mailan diseinatzeko ezinbesteko erreferentzia bihurtu da. Hori da, hain zuzen, Tokiko Agenda 21en kasua.

Eskolako Agenda 21

Azken urteotan, Donostiako Udalak gure hirian “Tokiko Agenda 21” programa abian jarri du. Ekintza horretan parte hartzeko interesatuta dauden Donostiako eskolei “Eskolako Agenda 21” egokitutako programa eskaintzen zaie. Gure eskolan, Hezkuntza Sailaren laguntzarekin, hasiera-hasieratik parte hartzen dugu “Eskolako Agenda 21” programan. Honi esker, garapen iraunkorrarekin konprometituta dagoen hezkuntza-jarduera garatzea posible dugu. Honetarako, gizarte eta ingurumen gaiak ikasteaz gain, iraunkortasunaren aldeko ohiturak eta portaerak ikasleengan sustatzen ditugu.
Era berean, hezkuntza-komunitate osoak ikastetxearen eta haren inguruneko gizarte eta ingurumen-hobekuntzaren alde lan egiteko konpromezua hartzen du. Horretarako, “Eskolako Agenda 21” proiektua hiru euskarri hauetan oinarritzen da: eskola-inguruneko ingurumen-hobekuntza, berrikuntza eta hezkuntza-kalitatea, eta txertatua dagoen komunitatean parte-hartzea.